ՄՈՍԿՈՒԱ, 9 ԱՊՐԻԼԻ, ՆՈՅԵԱՆ ՏԱՊԱՆ: Իրաքի կառավարութեան ղեկավար
Նուրի ալ-Մալիքին այսօր կժամանի Մոսկուա, որտեղ ՌԴ նախագահ Դմիտրի
Մեդւեդեւի եւ կառավարութեան նախագահ Վլադիմիր Պուտինի հետ կքննարկի
իրաքեան շուկայ ռուսական ընկերութիւնների վերադարձի հեռանկարները,
հաղորդում է ԻՏԱՌ-ՏԱՍՍ-ը:
Հիմնական հարցերը, որոնք կլինեն ուշադրութեան կենտրոնում,
ռուսական ընկերութիւնների վերադարձն է իրաքեան շուկայ, նրանց
համագործակցութիւնը իրաքցի գործընկերների հետ նաւթի եւ գազի,
էլեկտրաէներգետիկական, շինարարական եւ այլ բնագաւառներում:
Առաջին հերթին, փորձագէտների կարծիքով, խօսք կլինի իրաքեան
«Արեւմտյան Կուրնա» նաւթային հանքավայրի արդիւնամշակման համար
1995 եւ 1997 թուականներին ստորագրուած ռուսական «լուկօյլ»
ընկերութեան պայմանագրերի վերականգնման մասին: