ՄԻՆՍԿ, 9 ԱՊՐԻԼԻ, ՆՈՅԵԱՆ ՏԱՊԱՆ: Բելոռուսիան ծրագրում է
ռուսական ռազմական ինքնաթիռներ գնել երկրի ՌՕՈՒ արդիականացման
շրջանակում: Այս մասին, ինչպէս հաղորդում է «Նովոստի»
գործակալութիւնը, յայտնել է հանրապետութեան ՌՕՈՒ եւ ՀՕՊ զօրքերի
հրամանատար Իգոր Ազարենոկը:
«ՀՕՊ զօրքերի եւ Ռազմաօդային ուժերի զարգացման հայեցակարգին
համապատասխան նախատեսւում է ինքնաթիռների հավաքակազմի
արդիականացում, որ առկայ են բելոռուսական բանակի սպառազինութեան
մէջ: Ինքնաթիռների մի մասը մենք կարդիականացնենք... Իսկ մի մասը,
ուր արդիականացման ներուժ չկայ, մենք փուլ առ փուլ կփոխարինենք
ռազմական տեխնիկայի նոր նմուշներով: Այդ ուղղութեամբ մենք նկատի
ունենք նախ եւ առաջ մեր ռուս գործընկերներին»,- ասել է Ազարենոկը: