Հայաստանի վարչապետը մասնակցել է տիեզերական ընդունիչ կայանի
գործարկմանը
01-04-2009 18:50:00 | Հայաստան | Տնտեսութիւն
ԵՐԵՎԱՆ, 1 ԱՊՐԻԼԻ, ՆՈՅԵԱՆ ՏԱՊԱՆ: Հայաստանի վարչապետ Տիգրան
Սարգսեանը ապրիլի 1-ին Անշարժ գոյքի կադաստրի պետական կոմիտէին
առընթեր «Գեոդեզիայի եւ քարտեզագրության կենտրոն»-ում մասնակցել է
տիեզերական ընդունիչ կայանի գործարկմանը: Ըստ ՀՀ կառավարութեան
Տեղեկատուութեան եւ հասարակայնութեան հետ կապերի վարչութեան
հաղորդագրութեան, Տ.Սարգսեանը նաեւ շրջել է կենտրոնի
աշխատասենեակներում, ծանօթացել աշխատանքային պայմաններին, զրուցել
աշխատակիցների հետ:
Ընդունիչ կայանի ստեղծման նպատակը Հայաստանի տարածքի
վերաբերեալ ճշգրիտ տուեալների ստացումն է` տիեզերական
տեխնոլոգիաների կիրառմամբ: Կայանը հնարաւորութիւն է ընձեռնում
օգտուել երկրամերձ ուղեծրով (մինչեւ 1000 կմ) արհեստական
արբանեակների հնարաւորութիւններից եւ կատարել Երկրի հեռահար
զոնդավորում, որի տուեալները կօգտագործուեն հանրապետութեան
գեոդեզիայի, քարտեզագրության, ինչպէս նաեւ անվտանգութեան ու
տնտեսութեան հետ կապուած խնդիրները լուծելիս: