ԿԺԴՀ-ն կըդատի ձերբակալուած ամերիկացի լրագրողուհիներին
31-03-2009 16:36:00 | | Միջազգային
ՊԽԵՆՅԱՆ, 31 ՄԱՐՏԻ, ՆՈՅԵԱՆ ՏԱՊԱՆ: Հիւսիսային Կորեայի
իշխանութիւնները յայտարարել են Չինաստանի սահմանի վրայ ձերբակալուած
երկու ամերիկացի լրագրողուհիներին դատելու մտադրութեան մասին,
հաղորդում է «Ֆրանսպրես» գործակալութիւնը:
Ասիական ծագումով երկու ամերիկացի լրագրողուհիները ենթադրաբար
ԿԺԴՀ սահմանապահների կողմից ձերբակալուել են մարտի 17-ին Տումանգան
գետի շրջանում նկարահանումներ կատարելու ժամանակ:
Կանայք տեսանյութ էին պատրաստում Հիւսիսային Կորեայի մասին`
գտնուելով սահմանի չինական կողմում: Հյուսիսկորեացի զինվորականները
անցել են սահմանը եւ ձերբակալել լրագրողուհիներին, երբ նրանք
անտեսել են նկարահանումը դադարեցնելու պահանջը: