ՎԻԵՆՆԱ, 26 ՄԱՐՏԻ, ՆՈՅԵԱՆ ՏԱՊԱՆ: Ատոմային էներգիայի
միջազգային գործակալութեան (ՄԱԳԱՏԷ) կառավարիչների խորհուրդը
հինգշաբթի Աուստրիայի մայրաքաղաքում նիստ կգումարի գերատեսչութեան
նոր գլխաւոր տնօրէն ընտրելու համար: Այս մասին հաղորդում է
«Նովոստի» գործակալութիւնը:
1997 թուականից գործակալութիւնը գլխաւորող ՄԱԳԱՏԷ-ի ներկայիս
ղեկավար Մոհամմեդ ալ-Բարադեիի լիազօրութիւնների ժամկէտը լրանում է
2009 թուականի նոյեմբերին: Կանխավ նա յայտարարել էր
լիազօրութիւնների ժամկէտը լրանալուց յետոյ պաշտօնաթող լինելու
մտադրութեան մասին:
ՄԱԳԱՏԷ-ի նոր ղեկավարի պաշտօնին այսօրուայ դրութեամբ հաւակնում
են երկու թեկնածու` Վիեննայում միջազգային կազմակերպություններին
կից Ճապոնիայի մշտական ներկայացուցիչ Յուկիյա Ամանոն եւ ՀԱՀ-ից իր
պաշտօնակից Աբդուլ Սամադ Մինտին:
Նիստը կկայանայ խստիւ փակ կարգով: Նրան ներկայ կլինեն միայն
Կառավարիչների խորհրդի 35 անդամ երկրների ներկայացուցիչները: