Ալժիրը Ֆրանսիայից պահանջում է փոխհատուցել միջուկային զենքից
տուժածներին
25-03-2009 17:30:00 | Ալժիր | Միջազգային
ԱԼԺԻՐ, 25 ՄԱՐՏԻ, ՆՈՅԵԱՆ ՏԱՊԱՆ: Ալժիրը յայտարարել է
միջուկային զէնքի փորձարկումներից տուժածների համար Ֆրանսիայից
փոխհատուցման հասնելու մտադրութեան մասին: Այս յայտարարութիւնը
յաջորդել է միջուկային փորձարկումներից տուժածներին փոխհատուցում
վճարելու Փարիզի մտադրութեան մասին Ֆրանսիայի պաշտպանութեան
նախարար Էրվե Մորենի յայտարարութեանը: Այս մասին հաղորդում է «Էխո
Մոսկուին»:
Ֆրանսիան ինչպէս մինչեւ 1962 թուականին Ալժիրի անկախութիւն
ստանալը, այնպէս էլ դրանից յետոյ, Սահարայի Ռեգգան աւանի շրջանում
մի քանի տասնեակ միջուկային ռումբ է պայթեցրել: Ալժիրցիների
շրջանում զոհերի մասին պաշտօնական տվյալներ չկան, սակայն, ինչպէս
յայտարարում են տեղի իրաւապաշտպանական կազմակերպութիւնները,
նոյնիսկ հիմա ամէն տարի միջինը 50 մարդ է մահանում, որոնք երբեւէ
ճառագայթման են ենթարկուել:
Ընդամէնը մօտ 10 հազար մարդ է Ալժիրում տուժել ճառագայթային
հիւանդութիւնից կամ նիւթական վնաս կրել միջուկային
փորձարկումների հետեւանքով: