ՎԱՇԻՆԳՏՈՆ, 23 ՄԱՐՏԻ, ՆՈՅԵԱՆ ՏԱՊԱՆ: Մարտի 22-ին ամերիկեան
Մոնտանայի նահանգում Pilatus PC12 մարդատար ինքնաթիռի աղէտի
հետեւանքով 17 մարդ է զոհուել, այդ թւում` երեխաներ: Այս մասին
հաղորդել է ԱՄՆ-ի աւիացիայի դաշնապետական վարչութիւնը:
«Նախնական տուեալներով, Բյութ քաղաքի մօտ ինքնաթիռի աղէտի
հետեւանքով զոհուել է 17 մարդ: Ինքնաթիռը Կալիֆորնիայից թռչում էր
Բոուզման (քաղաք Մոնտանայի նահանգում), սակայն օդաչուն փոխել է
թռիչքի ծրագիրը եւ ուղեւորուել Բյութ»,- ասել է վարչութեան
ներկայացուցիչ Մայք Ֆերգուսը` աւելացնելով, որ ինքնաթիռը ջախջախվել
է վայրէջքի ժամանակ, երբ 150 մ էր մնում հասնելու թռիչքագոտուն:
Ըստ ամերիկեան ԶԼՄ-ների տուեալների, աղէտից զոհվածների մեծ
մասը երեխաներ են: