ՆՅՈՒ ԵՈՐՔ, 20 ՄԱՐՏԻ, ՆՈՅԵԱՆ ՏԱՊԱՆ: Ամերիկեան Նյու Եորքի
նահանգի Օրանժի օկրուգում հաջողութեամբ փորձարկվել է թռչող
աւտոմեքենայ, հաղորդում է ԻՏԱՌ-ՏԱՍՍ-ը:
Աւտոմեքենան իր հեղինակներից ստացել է Terrafugia Transition
անուանումը: Ըստ սարքն ստեղծողներից մէկի` Կարլ Դիտրիխի, Terrafugia
Transition-ն ծալվող թեւերով աւտոմեքենայի առաջին մոդելն է:
«Նման ավտոմոբիլի ստեղծումը յեղափոխութիւն է անձնական
տրանսպորտի ոլորտում»,- վստահ է Դիտրիխը:
Մեքենան ի վիճակի է մէկ բաք վառելիքով յաղթահարել 640 կմ
օդային տարածութիւն: Ընդ որում, ճանապարհի իւրաքանչիւր 50 կմ
համար ծախսում է 1 գալլոն (3,8 լիտր) վառելիք: Օդում աւտոմեքենան
զարգացնում է ժամում 184 կմ արագութիւն: Վայրէջքից յետոյ չորս
անիվներ ունեցող Terrafugia Transition-ի թեւերը 15 վայրկեանում
ծալվում են, եւ նա արդէն իբրեւ երկտեղանի աւտոմոբիլ կարող է
խառնուել քաղաքային ավտոհոսքին:
Terrafugia Transition-ն ստեղծողները համոզուած են, որ արդէն
2011 թուականին հնարաւոր կլինի սկսել նրա զանգվածային
արտադրութիւնը: Ներկայումս թռչող աւտոմեքենայի արժէքը կազմում է
194 հազար դոլար: