Արմէն Յարութիւնեան. Ցանկալի է, որ Երեւանի աւագանու
ընտրություններն իրապէս արտացոլեն Երեւանի բնակիչների ցանկութիւնը
17-03-2009 18:15:00 | Հայաստան | Մարդու իրաւունքներ
ԵՐԵՎԱՆ, 17 ՄԱՐՏԻ, ՆՈՅԵԱՆ ՏԱՊԱՆ: Ցանկալի է, որ Երեւանի
աւագանու ընտրություններն անցնեն թափանցիկ եւ իրապէս արտացոլեն
Երեւանի բնակիչների ցանկութիւնը,- լրագրողների հետ զրոյցում,
մարտի 17-ին այս մասին նշեց ՀՀ մարդու իրաւունքների պաշտպան Արմէն
Յարութիւնեյանը: Նա նշեց նաեւ, որ մարդկանց ընտրական իրաւունքների
խախտման դէպքում մարդու իրաւունքների հաստատութեան արագ
արձագանքման խումբը կզբաղուի դրանցով: Պաշտպանի խօսքերով,
ներկայումս իրեն դիմել են Երեւանի Հիւսիսային պողոտայի նախկին
բնակիչները, ովքեր մինչ օրս դատարանի հետ վէճ ունեն` փոխհատուցման
խնդրի շուրջ, դրա համար էլ ընտրական ցուցակներում նրանց անունները
տեղ չեն գտել:
Մեկնաբանելով այն հանգամանքը, որ մարդու իրաւունքների վիճակի
մասին 2008թ.-ի զեկույցից դժգոհում են թէ' իշխանութեան, եւ թէ'
ընդդիմութեան շրջանում, Պաշտպանը նկատեց. «Ուրեմն` շատ ճիշտ
զեկոյց է»: Նա նշեց, որ թէ' իշխանութիւնները, թէ' ընդդիմությունը
անելիքներ ունեն, քանի որ քաղաքական համակարգի մաս են կազմում եւ
իւրաքանչիւրն իր չափով պատասխանատու է հասարակութեան առջեւ: «Եթէ
երկրում մարդու իրաւունքների խնդիր կայ, դրա համար պատասխանատու է
քաղաքական համակարգն ամբողջութեամբ»,- ասաց Արմէն Յարութիւնեյանը:
Նա նշեց, որ երկու կողմի յայտարարութիւններից հասկացել է, որ
կողմերը չեն կարդացել զեկոյցը: Ըստ նրա, եթէ ընդդիմությունը
մեղադրում է, որ ինչ-որ հարցեր զեկոյցում չեն ներկայացուել, ապա
Պաշտպանը պատրաստ է էջերով դրանք ներկայացնել: Միւս կողմից,
Ա.Յարութիւնեանի խօսքերով, իշխանութիւնն էլ ընդհանուր ֆրազներ է
ասում, սակայն չի անդրադառնում զեկոյցում նշուած այս կամ այն
երեւույթին: