ԵՄ-ն երկարացրել է Բելոռուսիայի առաջնորդների դէմ
պատժամիջոցների մորատորիումը
17-03-2009 16:48:00 | | Միջազգային
ԲՐԻՒՍԷԼ, 17 ՄԱՐՏԻ, ՆՈՅԵԱՆ ՏԱՊԱՆ: ԵՄ անդամ երկրների արտաքին
գործերի նախարարները մարտի 16-ին Բրիւսէլում կայացած հանդիպման
ժամանակ հաստատել են Բելոռուսիայի ղեկավարութեան նկատմամբ
տարածաշրջանային այդ կազմակերպութեան կողմից պատժամիջոցներ
չկիրառելու որոշումը:
Պատժամիջոցների կիրառման մորատորիումը երկարացվել է եւս ինն
ամսով:
ԵՄ ԱԳՆ ղեկավարները 2008 թ. հոկտեմբերին որոշել էին կասեցնել
բելոռուս պաշտօնատար անձանց վիզաների տրամադրման արգելքի
գործողութիւնը, որ սահմանուել էր 2006 թ. ի պատասխան ընդդիմութեան
նկատմամբ Բելոռուսիայի գործողութիւնների: Պատժամիջոցները
տարածւում էին նախագահ Ալեքսանդր Լուկաշենկոյի եւ 41 բելոռուս
պաշտօնեաների վրայ: Եւրոպացի նախարարները այն ժամանակ պայմանաւորուել
էին կէս տարի անց նորից քննութեան առնել իրավիճակը եւ,
Բելոռուսիայում մարդու իրաւունքների վիճակից կախուած, վերականգնել
պատժամիջոցները կամ չկիրառել դրանք: