ՄՈՍԿՈՒԱ, 6 ՄԱՐՏԻ, ՆՈՅԵԱՆ ՏԱՊԱՆ: Դանակահարության բազմաթիւ
վերքերով Մոսկուայի իր բնակարանում յայտնաբերուել է Պետդումայի
փոխխոսնակներից մէկի օգնական Ալեքսեյ Բելյաեւը, յայտնել է
Ռուսաստանի մայրաքաղաքի իրավապահ մարմինների ներկայացուցիչը:
«Բելյաեւի մարմինը Մոսկուայի իր բնակարանում յայտնաբերուել է
հինգշաբթի երեկոյեան: Զննության ժամանակ միլիցիայի աշխատակիցները
մարմնի վրայ յայտնաբերուել են դանակահարության բազմաթիւ վէրքեր»,-
ասել է նա:
Ըստ աղբիւրի, Բելյաեւը Պետդումայի նախագահի տեղակալ
Ալեքսանդր Բաբակովի օգնականն էր:
Նշւում է, որ Պետական դումայի փոխխոսնակի օգնական Ալեքսեյ
Բելյաեւը կարող էր սպանուել կողոպուտի նպատակով, քանի որ
բնակարանում, որ նա վարձակալում էր, առկայ են ավարառության հետքեր:
«Բնակարանում, որտեղ սպանուել է Բելյաեւը, առկայ են կողոպուտի
հետքեր: Հետաքննութիւնը քննում է մի քանի վարկածներ, այդ թւում
սպանութիւն կողոպուտի նպատակով»,- յայտնել է նա: