Ֆրանսիացի դպրոցականները 80 եւրոյով գնում են տնային
առաջադրանքներ
05-03-2009 18:05:00 | | Միջազգային
ՓԱՐԻԶ, 5 ՄԱՐՏԻ, ՆՈՅԵԱՆ ՏԱՊԱՆ: Ֆրանսիայում յայտնուել է կայք
«վատ սովորող հարուստ աշակերտների» համար: Այստեղ դպրոցականները
կարող են բարձր դասարանների սովորողներից ու բուհերի ուսանողներից
գնել մաթեմատիկայի առաջադրանքների պատասխաններ: Մաթեմատիկայի մէկ
խնդրի լուծման արժէքը 5 եւրօ է, իսկ տարեկան առաջադրանքների լրիւ
կոմպլեկտը բանաւոր բացատրութիւններով` 80 եւրօ:
Ինչպէս նշւում է, նորամուծութիւնը առաջացրել է ուսուցիչների
վրդովմունքը: Նրանք յայտարարում են, որ այդ կայքը թաղում է
համընդհանուր միջնակարգ կրթութեան բուն գաղափարը, որի իմաստը
ինքնուրոյն աշխատանքը եւ դպրոցականների ընդունակությունների
զարգացումն է: Մանկավարժների կարծիքով, երեխաները կարող են
վերածուել սպառողների` համոզուած, որ բացարձակապէս ամէն ինչ այս
աշխարհում գին ունի: