Աշխարհի խոշորագոյն բանկերից HSBC-ն փակում է ԱՄՆ-ի
տարածքում գործող իր 800 բաժանմունքները
03-03-2009 15:26:00 | | Միջազգային
ԼՈՆԴՈՆ, 3 ՄԱՐՏԻ, ՆՈՅԵԱՆ ՏԱՊԱՆ: HSBC-ն` Մեծ Բրիտանիայի եւ
ողջ Եւրոպայի խոշորագոյն բանկը, որոշում է ընդունել փակել ԱՄՆ-ի
տարածքում գործող իր 800 բաժանմունքները:
Ինչպէս գրում է «Ֆայնենշլ թայմս» թերթը, խօսքը այն
բաժանմունքների մասին է, որոնք պատկանում են HSBC Finance
Corporation-ին, բանկի այն կառոյցին, որն զբաղւում է սպառողական
վարկերի տրամադրմամբ:
Նախկինում այն ինքնուրոյն ֆինանսական հաստատութիւն էր եւ
կոչւում էր Household: HSBC-ն այն ձեռք էր բերել 2003 թուականին 15
մլրդ դոլարով: Սակայն ԱՄՆ-ում խորացած ճգնաժամի պայմաններում HSBC
Finance Corporation-ի արժէքը հասցրել է նուազել մինչեւ 10 մլրդ
դոլարի, այսինքն ներկայումս կազմում է սոսկ մէկ երրորդն այն գնի,
որով այն գնուել էր 6 տարի առաջ: