ԿԱՀԻՐԷ, 23 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Պայթիւնի հետեւանքով, որ
կիրակի երեկոյեան տեղի է ունեցել Կահիրէի զբոսաշրջային կենտրոնում,
4 մարդ զոհուել է, եւս 24-ը վիրաւորուել: Զոհվածների թւում է 17-ամեայ
զբոսաշրջուհի Ֆրանսիայից: Վիրաւորներից 17-ը ֆրանսիացիներ են,
Գերմանիայի մի քաղաքացի, Սաուդյան Արաբիայի երեք հպատակ եւ երեք
եգիպտացիներ:
Ոստիկանութեան տուեալներով, պայթուցիկ սարքը գտնուել է քարե
վաճառասեղանի տակ` Էլ-Հուսէյն մզկիթի հրապարակում: Խօսքը ինքնաշէն
սարքի մասին է, որ լցուած է եղել մետաղի կտորներով:
Դէպքի վայր ժամանած անվտանգութեան ուժերի ներկայացուցիչները
յայտնաբերել են եւս մի պայթուցիկ սարք, որը յաջողուել է ժամանակին
վնասազերծել:
Առայժմ ոչ ոք չի ստանձնել այդ ահաբեկչական գործողութեան
պատասխանատւութիւնը: