Միկլոշ Հարաշտին քննադատել է Ռուսաստանին Պոլիտկովսկայայի
սպանութեան գործով դատավճռի համար
20-02-2009 15:37:00 | | Միջազգային
ՎԻԵՆՆԱ, 20 ՓԵՏՐՈՒԱՐԻ, ՆՈՅԵԱՆ ՏԱՊԱՆ: ԵԱՀԿ ԶԼՄ-ների ազատութեան
հարցերով ներկայացուցիչ Միկլոշ Հարաշտին քննադատել է լրագրողուհի
Աննա Պոլիտկովսկայայի սպանութեան գործով ռուսական դատարանի վճիռը
եւ Ռուսաստանին մեղադրել լրագրողների անվտանգութիւնն ապահովելու
անկարողութեան մէջ: Այս մասին հաղորդում է «Նովոստի»
գործակալութիւնը:
«Պոլիտկովսկայայի գործով դատավճիռը աւարտին է հասցնում
քննադատաբար տրամադրուած լրագրողների անվտանգութիւնն ապահովելու
ռուսական իշխանութիւնների անկարողութեան երկար պատմութիւնը»,-
ընդգծել է նա` աւելացնելով, որ դա նշանակում է «մարդասպանների
գործնական անպատժելիություն» եւ արդարացնում «ֆիզիկական
բռնութիւնը նրանց նկատմամբ, ովքեր զբաղւում են կոռուպցիայի եւ
մարդու իրաւունքների հարցերով»:
«Մամուլի իսկական ազատութիւն չի կարող լինել այնքան ժամանակ,
քանի դեռ յայտնի լրագրողները ողջ երկրով մէկ երկյուղում են իրենց
աշխատանքի համար սպանուած լինելուց»,- նշել է Հարաշտին:
Յիշեցնենք, որ փետրուարի 19-ին Աննա Պոլիտկովսկայայի
սպանութեան գործի բոլոր ամբաստանեալները դատարանի կողմից ազատ են
արձակուել: