Սինագոգի վրայ յարձակման մեղադրանքով Վենեսուելայի
մայրաքաղաքում 11 մարդ է ձերբակալուել
09-02-2009 17:34:00 | | Միջազգային
ԿԱՐԱԿԱՍ, 9 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Իշխանութիւնները
Կարակասում սինագոգի վրայ յարձակման մեղադրանքով, որ կատարուել էր
յունվարի 31-ի գիշերը, ձերբակալել են 11 մարդու: Այս մասին տեղի
հեռուստաալիքին հարցազրոյցի ժամանակ յայտնել է Վենեսուելայի
նախագահ Հուգո Չավեսը: Նա յիշեցրել է, որ զինուած հանցագործների
սինագոգ ներխուժելուց յետոյ վենեսուելական ընդդիմությունը եւ
մասնաւոր հեռուստաալիքներից մէկը այդ գործողութեան մէջ անհիմն
մեղադրել էր կառավարութեանը:
Վենեսուելայի նախագահը ընդգծել է, որ հետաքննութեան
արդիւնքները ապացուցում են, որ պաշտօնական իշխանութիւնները որեւէ
առնչութիւն չեն ունեցել այդ հանցագործութեան հետ: