ՄԱԿ-ի հովանու ներքոյ յանձնաժողով է ստեղծուել Բհուտոյի
սպանութեան հետաքննման համար
05-02-2009 17:29:00 | ԱՄՆ | Միջազգային
ՆՅՈՒ ԵՈՐՔ, 5 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Պակիստանի ժողովրդական
կուսակցութեան առաջնորդ Բենազիր Բհուտոյի սպանութեան հանգամանքների
հետաքննութեամբ կզբաղուի ՄԱԿ-ի հովանու ներքոյ յատուկ ստեղծուած անկախ
միջազգային յանձնաժողովը: Այս մասին յայտարարել է ՄԱԿ-ի գլխաւոր
քարտուղար Պան Գի Մունը:
«Այդ հանցագործութիւնը խորապէս ցնցեց ողջ աշխարհը: Այդ
պատճառով ես յայտարարում եմ անկախ միջազգային յանձնաժողովի
ձեւաւորման մասին, որը կգլխաւորի հասարակութեան աչքի ընկնող
ներկայացուցիչներից մէկը»,- յայտարարել է Պան Գի Մունը` միաժամանակ
ձեռնպահ մնալով այդ մարդու կոնկրետ անունը հիշատակելուց:
Բենազիր Բհուտոն զոհուել էր 2007 թուականի դեկտեմբերին
ահաբեկչութեան հետեւանքով: Մինչ օրս պարզ չէ, թէ ովքեր են եղել
Պակիստանի պատմութեան մէջ այդ ամենաաղմկահարոյց ահաբեկչական
գործողութիւններից մէկի պատուիրատուն եւ կատարողները:
ԴԱՍ. ՀԱՅԵՐԵՆ 
Հայերեն
Русский
English
French