ՎԱՇԻՆԳՏՈՆ, 27 ՅՈՒՆՎԱՐԻ, ՆՈՅԵԱՆ ՏԱՊԱՆ: Հարաւային
Կալիֆոռնիայի բնակչուհին դարձել է աշխարհում երկրորդ կինը, որը
միանգամից ութ առողջ երեխայ է ծննդաբերել:
Ըստ կլինիկայի բժիշկների, բոլոր նորածինները` վեց տղա եւ
երկու աղջիկ, ծնուել են 820 գրամից մինչեւ մէկուկէս կիլոգրամ քաշով:
«Դա պարզապէս զարմանալի է: Բոլոր ութ երեխաներն էլ իրենց
միանգամայն նորմալ են զգում»,- ասում է բժիշկ Քարեն Մեյփլսը:
Համաշխարհային բժշկագիտութեան մէջ առաջին անգամ ութ երեխայ է
ծնուել 1998 թուականին ամերիկեան Հյուստոն քաղաքի հիւանդանոցում: Այդ
ժամանակ վեց աղջիկ եւ երկու տղա էր ունեցել 27-ամեայ Նկեմ Չուկվուն`
նիգերիացի գաղթականի կինը: Երեխաներից մէկը մէկ շաբաթ անց
վախճանուել էր, իսկ մնացած յոթը անցած դեկտեմբերին միասին նշեցին
իրենց տասնամեակը: