ՍԵՐԺ ՍԱՐԳՍԵԱՆ. ՆՈՐ ԱՏՈՄԱԿԱՅԱՆ ԿԱՌՈՒՑՄԱՄԲ ԿՓՈԽՈՒԻ ՄԵՐ ԵՐԿՐԻ
ԱՆՎՏԱՆԳՈՒԹԵԱՆ ՈՐԱԿԸ
23-09-2008 18:00:00 | Հայաստան | Տնտեսութիւն
ԵՐԵՎԱՆ, 23 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Մեր ժողովրդի համար
անհասկանալի կլինէր, եթէ հայ-ռուսական ռազմավարական
յարաբերութիւնները չտրանսֆորմացվեին այլ յարաբերութիւնների. դա
անհասկանալի կլինէր նաեւ մեզ համար,- «հայռուսգազարդ» ՓԲԸ
վարչութեան անդամների հետ սեպտեմբերի 23-ի հանդիպմանը յայտարարեց
ՀՀ նախագահ Սերժ Սարգսեանը: Ըստ նրա, 2009-2015թթ. ՀՀ բնական գազի
մատակարարման պայմանագրի ստորագրումը ամբողջովին տեղավորվում է
Սարգսեան-Մեդվեդեւ բանակցութիւնների տրամաբանության մէջ:
Ս.Սարգսեանը նշեց նաեւ, որ 2009թ. ապրիլի 1-ից գործելիք
սակագները Հայաստանին հնարաւորութիւն են տալիս չնչին չափով
աւելացնել սոցիալական ծանրաբեռնուածութիւնը, իսկ բիզնեսի համար
ուղղակի փայլուն հնարաւորութիւն է դառնալ շատ աւելի մրցունակ
տարածաշրջանում: «Չնայած մեր տրանսպորտային բաղկացուցչի
մեծութեանը` ուրիշների հետ համեմատած, բայց այս պարագան
հնարաւորութիւն է տալիս շատ աւելի լաւ պայմաններում յայտնուել`
ապահովելու տեսանելի ապագայում մեր ՀՆԱ-ի բաւական մեծ
ցուցանիշներ»,- ասաց երկրի ղեկավարը: Ըստ նրա, պէտք է գտնել ոսկէ
միջինը, մի կողմից` ձեռնարկութեան բիզնեսը յաջողութիւններ ունենայ,
եւ միւս կողմից` բիզնեսը ծանրացուցիչ չլինի տնտեսութեան եւ
բնակչութեան համար: «Այո, շատ լաւ է, որ մի քանի տարուայ ընթացքում
գազիֆիկացումը կարողացել ենք 21-ից հասցնել 91 տոկոսի, բայց մենք
ունենք դեռեւս բազմաթիւ բնակավայրեր, որտեղ չեն կարողանում օգտուել
բնական գազից եւ չեն կարողանում բարելաւել իրենց կեանքի որակը,
որովհետեւ տնտեսապես շահաւետ չի ձեռնարկութեանը այդ բնակավայրերի
գազիֆիկացումը»,- ասաց ՀՀ նախագահը, աւելացնելով, որ այստեղ կան
պետական աջակցութեան հնարաւորութիւններ, եւ հիմնական նպատակն է
լինելու, որպէսզի մօտակայ 2-3 տարիների ընթացքում հանրապետութիւնը
ամբողջովին գազիֆիկացվի` պետբիւջէից, թէ այլ աղբիւրներից
հնարաւորութիւններ կգտնուեն անելու համար այդ աշխատանքները:
ՀՀ նախագահը կարեւոր համարեց, որպէսզի Իրան-Հայաստան
գազամուղի շահագործումը կատարուի բարձր պրոֆեսիոնալ մակարդակով: Ըստ
նախագահի, պէտք է կարողանալ ժամկէտների մէջ տեղաւորուել, որպէսզի
գազամուղի շահագործումը համադրվի Հրազդանի ՋԷԿ-ի 5-րդ բլոկի
շինարարութեան աւարտի եւ շահագործման հետ` տնտեսութիւնը
արդիւնաւէտ վարելու համար»: ՀՀ նախագահը նշեց նաեւ, որ սկսուել է
նոր ատոմակայանի տեխնիկա-տնտեսական ցուցանիշների հաշուարկը. «Մենք
համարում ենք, որ ձեռնամուխ ենք եղել հզօր բլոկի կառուցմանը`
1000-1200 մեգավատանոց. սա, կարծում եմ, մեր երկրի, ընդհանրապես
մեր անվտանգութեան որակը փոխելու է»,- ասաց նախագահը: