ԵՐԵՎԱՆ, 28 ՕԳՈՍՏՈՍԻ, ՆՈՅԵԱՆ ՏԱՊԱՆ: Օգոսոսի 28-ին Վրաստանից Հայաստան է ներկրուել 41 վագոն ցորեն: Հայ-վրացական սահմանի Սադախլո մաքսակետում գտնւում են 19 վագոն ցորեն եւ 43 վագոն խառը բեռ: Ներկայումս վրացական երկաթուղում կայ Հայաստան ներկրւող ընդհանուր առմամբ 136 վագոն բեռ: Դրանցից 84 վագոնը հացահատիկ է, 52-ը` խառը ապրանքներ: Իսկ Փոթիի նաւահանգստում 12 վագոն բենզինն արդէն բարձուած է եւ շուտով կտեղափոխուի Հայաստան: Բաթումի նաւահանգստից նույնպես սկսուել է բեռների ներկրումը Հայաստան, այդ թւում 11 վագոն բենզին եւ 20 վագոն խառը բեռներ:

---