ՀԱՅԱՍՏԱՆԻ ԲՋՋԱՅԻՆ ԿԱՊԻ ԵՐՐՈՐԴ ՕՊԵՐԱՏՈՐԻ ՄՐՑՈՅԹԻ
ՆԱԽԱՈՐԱԿԱՒՈՐՄԱՆ ՓՈՒԼ ԵՆ ԱՆՑԵԼ 3 ԸՆԿԵՐՈՒԹԻՒՆՆԵՐ
27-08-2008 18:00:00 | Հայաստան | Տնտեսութիւն
ԵՐԵՎԱՆ, 27 ՕԳՈՍՏՈՍԻ, ՆՈՅԵԱՆ ՏԱՊԱՆ: Հայաստանում բջջային կապի
երրորդ օպերատորի գործունէութեան լիցենզիա եւ
ռադիոհաճախականությունների օգտագործման թույլտվություն ստանալու
համար յայտարարուած մրցոյթին մասնակցութեան յայտ ներկայացրած վեց
ընկերութիւններից նախաորակաւորման փուլ են անցել երեքը` Orange,
(պատկանում է France Telecom-ին), CEO Blackrock Communications
(կոնսորցիում` Անգլիա եւ Իռլանդիա) եւ M$A Tele2 AB (Շուեդիա): Նյս
մասին «ՆՈՅԵԱՆ ՏԱՊԱՆ»-ին յայտնեց ՀՀ տրանսպորտի եւ կապի նախարարի
մամուլի քարտուղար Սուսաննա Տոնոյանը:
Թէեւ նախօրոք մրցոյթին մասնակցելու ցանկութիւն էին յայտնել
17 ընկերութիւններ, սակայն դրանցից նախաորակաւորման փուլն
անցնելու համար, բացի թուարկուածներից, համապատասխան փաստաթղթեր էին
ներկայացրել V-Tel (Յորդանան) AB (Շուեդիա), Auroratel (Ռուսաստանի
Դաշնութիւն) եւ PJ Engineering (Ֆինլանդիա) ընկերութիւնները:
Առաջիկայ 40 օրացուցային օրուայ ընթացքում նախաորակավորում անցած
ընկերութիւնները պէտք է մրցութային յանձնաժողովին ներկայացնեն
յայտ-առաջրկներ, որոնց քննարկումից յետոյ կորոշուի յաղթող
ընկերութեան անունը: