ՀԱՅԱՍՏԱՆԻ ՖՈՒՏԲՈԼԻ ԵՐԻՏԱՍԱՐԴԱԿԱՆ ՀԱՒԱՔԱԿԱՆԸ 2:1 ՀԱՇՒՈՎ
ՅԱՂԹԵՑ ԹՈՒՐՔԻԱՅԻ ԹԻՄԻՆ
21-08-2008 18:40:00 | Հայաստան | Սպորտ
ԵՐԵՎԱՆ, 21 ՕԳՈՍՏՈՍԻ, ՆՈՅԵԱՆ ՏԱՊԱՆ: Եւրոպայի ֆուտբոլի
2009թ.-ի երիտասարդական (մինչեւ 21 տարեկանների) առաջնութեան
ընտրական փուլի խմբային մրցաշարի ծրագրով օգոստոսի 20-ին Երեւանի
«Հրազդան» մարզադաշտում տեղի ունեցաւ Հայաստան-Թուրքիա հանդիպումը:
Այն աւարտուեց 2:1 հաշւով յօգուտ դաշտի տերերի: Գոլերը խփեցին
Աբդուլա Դուրատը (67-րդ րոպե), Կառլեն Մկրտչեանը (87-րդ րոպե) եւ
Հենրիկ Մխիթարեանը (89-րդ րոպե):
Հանդիպմանը ներկայ էին ՀՀ արտգործնախարար Էդվարդ Նալբանդեանը
եւ Թուրքիայի արտաքին գործերի գերատեսչութեան պատուիրակութեան
անդամները:
Պատասխան հանդիպումը նախատեսուած էր անցկացնել սեպտեմբերի
10-ին Թուրքիայում: Սակայն այդ օրը կայանալու է Թուրքիայի եւ
Բելգիայի ազգային հաւաքականների հանդիպումը, եւ որոշուել է
երիտասարդականների խաղն անցկացնել մէկ օր շուտ` սեպտեմբերի 9-ին:
Մրցամարտը կայանալու է Ստամբուլի «Ալի Սամի Են» մարզադաշտում: