2008 Թ. ՅՈՒՆՈՒԱՐ-ՄԱՅԻՍԻՆ ՆԱԽՈՐԴ ՏԱՐՈՒԱՅ ՆՈՅՆ ԱՄԻՍՆԵՐԻ ՀԱՄԵՄԱՏ
ՀԱՅԱՍՏԱՆՈՒՄ ՀՆԱ-Ն 9,8%-ՈՎ ԱՃԵԼ Է
20-06-2008 19:30:00 | Հայաստան | Տնտեսութիւն
ԵՐԵՎԱՆ, 20 ՅՈՒՆԻՍԻ, ՆՈՅԵԱՆ ՏԱՊԱՆ: 2008թ. յունուար-մայիսին
նախորդ տարուայ նոյն ամիսների համեմատ Հայաստանում ՀՆԱ-ն աճել է
9,8%-ով եւ կազմել 982 մլրդ 149,4 մլն դրամ (մօտ 2 մլրդ 871,1 մլն
ԱՄՆ դոլար): ՀՆԱ-ի ինդեքս-դեֆլեատորը կազմել է 107,7%:
ՀՀ Ազգային վիճակագրական ծառայութեան տուեալներով, այս տարուայ
յունուար-մայիսին, նախորդ տարուայ նոյն ամիսների համեմատ,
հանրապետութիւնում արդիւնաբերական արտադրանքի ծաւալը նուազել է
0,4%-ով եւ կազմել 287 մլրդ 712,1 մլն դրամ:
Գիւղատնտեսութեան համախառն արտադրանքն աճել է 1,9%-ով եւ
կազմել 94 մլրդ 515,5 մլն դրամ, շինարարութեան ծաւալը` 14,9%-ով եւ
կազմել 135 մլրդ 318,7 մլն դրամ, մանրածախ առեւտրաշրջանառությունը`
4,3%-ով եւ կազմել 331 մլրդ 918,7 մլն դրամ, իսկ ծառայութիւնների
ծաւալը աճել է 10,6%-ով եւ կազմել 221 մլրդ 843 մլն դրամ:
ՀՀ արտաքին առեւտրաշրջանառութեան ծաւալը նախորդ տարուայ
յունուար-մայիսի համեմատ աճել է 29,6%-ով եւ կազմել 1 մլրդ 982,1
մլն դոլար: Ընդ որում, արտահանումն աճել է 0,2%-ով եւ կազմել 421,9
մլն դոլար, իսկ ներմուծումն աճել է 40,8%-ով եւ կազմել 1 մլրդ
560,2 մլն դոլար:
2008թ. յունուար-մայիսին սպառողական գները 2007թ.
յունուար-մայիսի համեմատ աճել են 8,9%-ով, իսկ արդիւնաբերական
արտադրանքի գները` 4,7%-ով:
Այս տարուայ մայիսի վերջին նախորդ տարուայ նոյն ժամկէտի համեմատ
պաշտօնապէս գրանցուած գործազուրկների թուաքանակը նուազել է 22,1%-ով
եւ կազմել 76,4 հազ. մարդ:
Այս տարուայ առաջին հինգ ամիսներին միջին ամսական անուանական
աշխատավարձը կազմել է 86,85 հազ. դրամ (նախորդ տարուայ նոյն
ժամանակահատուածի համեմատ աճել է 22,9%-ով), այդ թւում` բիւջէտային
աշխատողներինը` 60,775 հազ. դրամ (աճել է 16,6%-ով), ոչ
բիւջէտային հիմնարկների աշխատողներինը` 109,621 հազ. դրամ (աճել է
24,5%-ով): Այս տարուայ յունուար-մայիսին 1 ԱՄՆ-ի դոլարի միջին
փոխարժեքը կազմել է 308,11 դրամ (2007թ. այդ ցուցանիշը կազմել է
342,08 դրամ):