Արամ Ա կաթողիկոսն ընդունել է Զագգա Ա պատրիարքի
ներկայացուցչին
16-03-2010 18:31:00 | | Հասարակութիւն
ԱՆԹԻԼԻԱՍ, 16 ՄԱՐՏԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Մարտի 13-ին,
Արամ Ա կաթողիկոսն ընդունել է ասորական ուղղափառ քույր եկեղեցու
հոգեւոր պետ Զագգա Ա Իուաս Պատրիարքի ներկայացուցչին` մետրոպոլիտ
Սալիպային, հաղորդում են Անթիլիասի մայրավանքից: Հանդիպմանը ներկայ
է եղել նաեւ կաթողիկոսարանի միջեկեղեցական բաժանմունքի վարիչ Նարեկ
եպիսկոպոս Ալեեմեզյանը: Զրոյցի ընթացքում շոշափուել են Արամ Ա
կաթողիկոսի Հնդկաստան կատարած պաշտօնական այցելութեան ընթացքում
ունեցած հանդիպումները Հնդկաստանի Ուղղափառ եկեղեցիների հոգեւոր
պետերի եւ եկեղեցական այլ կառոյցների ներկայացուցիչների հետ:
Հանդիպման աւարտին Վեհափառ Հայրապետը տեղեկացրել է, որ Նարեկ
Սրբազանը մեկնելու է Դամասկոս, որպէս իր անձնական պատուիրակ
հանդիպում ունենալու Զագգա Ա պատրիարքի հետ եւ նրան փոխանցի իր
յատուկ պատգամը: