Արմէն Երիցյանը եւ Մանուկ Վարդանեանը նշանակուել են ՀՀ
արտակարգ իրավիճակների եւ տրանսպորտի եւ կապի նախարարներ
15-03-2010 21:30:00 | Հայաստան | Քաղաքական
ԵՐԵՎԱՆ, 15 ՄԱՐՏԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: ՀՀ Նախագահի
մամլոյ գրասենեակից ստացուած հաղորդագրութեան համաձայն, Նախագահ Սերժ
Սարգսեանը մարտի 15-ին հրամանագիր է ստորագրել Մհեր ՇԱՀԳԵԼԴՅԱՆԻՆ
ՀՀ արտակարգ իրավիճակների նախարարի պաշտօնից ազատելու մասինղ
Նախագահի մէկ այլ հրամանագրով Արմէն ԵՐԻՑՅԱՆԸ նշանակուել է ՀՀ
արտակարգ իրավիճակների նախարար:
ԱՐՄԷՆ ԵՐԻՑՅԱՆ /կենսագրական տվյալներ/ Ծնուել է 1960թ. Երեւան
քաղաքում: 1978թ. աւարտել է Երեւանի թիւ 12 միջնակարգ դպրոցը:
1979-1981թթ. ծառայել է Զինուած ուժերում: ՀՀ ոստիկանութիւնում
ծառայում է 1982թ-ի օգոստոս ամսից:
1984-4986թթ. սովորել է ԽՍՀՄ ՆԳՆ Կալինինգրադի միլիցիայի
միջնակարգ մասնագիտացուած դպրոցում: 1987-1990թթ. ուսանել եւ
աւարտել է ԽՍՀՄ ՆԳՆ Վոլգոգրադի բարձրագոյն քննչական դպրոցը եւ
ծառայութիւնը շարունակել Երեւան քաղաքի վարչութեան քրէական
հետախուզութեան բաժնի օպերլիազորի, աւագ օպերլիազորի, բաժանմունքի
պետի պաշտօններում: Ծառայութեան ընթացքում զբաղեցրել է մի շարք
ղեկավար պաշտօններ` Խորհրդային ՆԳ բաժնի պետի, Կազմակերպուած
յանցաւորութեան դէմ պայքարի գլխաւոր վարչութեան պետի տեղակալի,
նոյն վարչութեան պետի, Կոտայքի մարզային վարչութեան պետի, իսկ
1999թ-ի օգոստոս ամսից` կրկին Կազմակերպուած յանցաւորութեան դէմ
պայքարի գլխաւոր վարչութեան պետի պաշտօնները: 2001թ. օգոստոս ամսին
նշանակուել է ՀՀ Ներքին գործերի նախարարի տեղակալի պաշտօնին,
09.01.2003թ-ից` ՀՀ ոստիկանութեան պետի տեղակալի, իսկ
04.06.2008թ-ից` ՀՀ ոստիկանութեան պետի առաջին տեղակալի պաշտօնին:
2000թ. ՀՀ Նախագահի հրամանագրով պարգեւատրուել է Արիութեան
մեդալով, 2006թ-ին` «Հասարակական կարգի գերազանց պահպանման համար»
մեդալով եւ նոյն թուականին ԼՂՀ նախագահի հրամանագրով պարգեւատրուել
է «Մխիթար Գօշ» մեդալով: Ունի իրաւաբանական գիտութիւնների դոկտորի
գիտական աստիճան: 10 մենագրութիւնների, 3 միջազգային իրաւական
ակտերի ժողովածուների եւ 100-ից աւելի գիտական յոդուածների հեղինակ
է: Դասավանդում է Երեւանի պետական համալսարանում: Ամուսնացած է,
ունի երկու երեխայ:
Նախագահ Սերժ Սարգսեանը հրամանագրեր է ստորագրել նաեւ Գուրգէն
ՍԱՐԳՍԵԱՆԻՆ ՀՀ տրանսպորտի ու կապի նախարարի պաշտօնից ազատելու եւ
Մանուկ ՎԱՐԴԱՆԵԱՆԻՆ այդ պաշտօնում նշանակելու վերաբերեալ:
ՄԱՆՈՒԿ ՎԱՐԴԱՆԵԱՆ /կենսագրական տվյալներ/ Ծնուել է 1961թ-ին
Գիւմրի քաղաքում: 1978թ-ին աւարտել է Երեւանի N 159 միջնակարգ
դպրոցը: 1983թ. աւարտել է Մոսկուայի Հողաշինարարական ինստիտուտը:
1983-1985թթ. աշխատել է «Հայպետհողշիննախագիծ» ինստիտուտում:
Այնուհետեւ Հրազդանի շրջխորհրդի գործկոմում` որպէս գլխաւոր
ինժեներ-հողաշինարար: 1995թ-ին ընտրուել է ՀՀ ԱԺ պատգամաւոր:
1996-1997թթ. աշխատել է ՀՀ քաղաքաշինութեան նախարարութիւնում`
որպէս կադաստրի վարչութեան պետ: 1997-2009թթ. զբաղեցրել է ՀՀ
կառավարութեանն առընթեր անշարժ գոյքի կադաստրի պետական կոմիտէի
նախագահի պաշտօնը: Զինապարտ է: Ունի տեխնիկական գիտութիւնների
թեկնածուի գիտական աստիճան: Պարգեւատրուել է Անանիա Շիրակացու
մեդալով /2003թ./: 2002թ. ՀՀ վարչապետի կողմից ստացել է
շնորհակալագիր, իսկ 2006թ. պարգեւատրուել է ՀՀ վարչապետի
հուշամեդալով: Ամուսնացած է, ունի մէկ որդի եւ մէկ դուստր:
Նախագահի հրամանգրերով Արմէն ԵՐԻՑՅԱՆՆ ազատուել է ՀՀ
կառավարութեանն առընթեր ՀՀ ոստիկանութեան պետի առաջին տեղակալի,
իսկ Մանուկ ՎԱՐԴԱՆԵԱՆԸ` Հայաստանի Հանրապետութեան Նախագահի
խորհրդականի պաշտօնից: