Ապրիլի 20-ին Հաագայում կանցկացուի ցոյց Հայոց ցեղասպանութեան
95-ամեակի կապակցութեամբ
14-03-2010 10:30:00 | | Քաղաքական
ՀԱԱԳԱ, 14 ԱՊՐԻԼ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Հաագայի Հեթ
Պլեյն (Het Plein) հրապարակում ապրիլի 20-ին կանցկացուի ցոյց Հայոց
ցեղասպանութեան 95-ամեակի կապակցութեամբ:
Ցույցը կազմակերպում են Հոլանդահայ Կազմակերպութիւնների
Ֆեդերացիայի Ապրիլի 24 կոմիտէն եւ Հոլանդիայի Հայ Դատի
յանձնախումբը «Հոլանդահայ համագործակցող կազմակերպութիւններ»
անուան տակ:
Ցույցի կազմակերպիչները կոչով դամել են Նիդերլանդների բոլոր
հայկական կառույցներին եւ ամբողջ հոլանդահայությանը, որ «միասնաբար
զանգվազային ցույցի միջոցով զորացնեն իրենց պահանջը Թուրքիայից`
ճանաչել Հայոց ցեղասպանութիւնը եւ Նիդերլանդների
կառավարութիւնից` իրագործել Ռոուվուտի առաջարկութիւնը, որը
միաձայն ընդունուել է Նիդերլանդների խորհրդարանի կողմից 2004
թուականին»:
Ինչպէս նշուած է ցույցի կազմակերպիչների տարածած
յայտարարութեյան մէջ, ցույցի նպատակն է պահանջել, որպէսզի «Թուրքիան
ճանաչի Հայոց ցեղասպանութիւնը, իրագործուի 2004 թ. Ռոուվուտի
առաջարկութիւնը, որը Նիդերլանդների կառավարութեանը յանձնարարում է
շարունակաբար եւ շեշտակի առաջ քաշել Թուրքիայի կողմից Հայոց
ցեղասպանութեան ճանաչման հարցը: Որպէսզի կառուցուի Հայոց
ցեղասպանութեան զոհերի յիշատակը հավերժացնող հուշակոթող միջազգային
օրէնքի քաղաք Հաագայում, որպէսզի մարդկութիւնը այլեւս անտարբեր
վերաբերմունք չցուցաբերի նման աղէտալի իրադարձութիւնների
նկատմամբ»:
«Յոյժ կարեւոր է, որ հոլանդահայությունը
միակամ իր սարսափը արտայայտի Հայոց ցեղասպանութեան եւ այն փաստի
նկատմամբ, որ Թուրքիան 95 տարի յետոյ գարշելի կերպով հերքում եւ
նսեմացնում է ցեղասպանութեան եղելությունը, իսկ այդ մասին
Թուրքիայում խօսելն անգամ դեռեւս համարւում է քրէական հանցանք:
Չնայած, որ Հայոց ցեղասպանութիւնը լայն ճանաչում է գտել,
միջազգային հասարակայնութիւնը չի կարողացել աներկբայ Թուրքիային
յստակօրէն ասել, որ հերքման եւ նսեմացման գործելակերպն ընդունելի
չէ եւ դրա դէմ համապատասխան միջոցներ չի կիրառել:
Համաշխարհային հասարակութեան այս իսկ կեցուածքն էր, որ պարարտ
հող ստեղծեց 1915 թ. եղեռնագործության համար` աշխարհի բաց աչքերի
առջեւ:
Այդ իսկ պատճառով խիստ կարեւոր է, որ մենք միասնականօրէն
հանդէս գանք Հայոց ցեղասպանութեան 95-ամեակի առիթով: Մենք կոչ ենք
անում բոլորին մասնակցել միջազգային օրէնքի քաղաք Հաագայում
կայանալիք միասնական ցույցին:
Միասնաբար մենք կարող ենք կուռ բռունցք դառնալ անարդարութեան
դէմ»,- ասուած է «Հոլանդահայ համագործակցող կազմակերպութիւններ»-ի
կոչ-յայտարարութեյան մէջ: