ՄՈՍԿՈՒԱ, 16 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Մոսկուայում անցկացուող «Աէրոֆլոտ-օփեն»-ի A1 մրցաշարում եօթ փուլից յետոյ աղիւսակը 5-ական միաւորով գլխաւորում են Բորիս Գրաչեւը, Յան Նեպոմնյաշչին (Ռուսաստան), Բորիս Սավչենկոն (Ուկրաինա), Լե Քան Լիմը եւ Նգուեն Նգոկ Թրոնգը (Վիետնամ): Գաբրիէլ Սարգսեանը, Արման Փաշիկյանը եւ Սերգեյ Գրիգորյանցն ունեն 4-ական, Զաւէն Անդրիասեանը, Հրանտ Մելքումեանը` 3,5-ական միաւոր: A2 մրցաշարում Արթուր Գաբրիէլեանը վաստակել է 5 միաւոր եւ առաջատարից` Ալեքսեյ Պրիդորոժնուց (Ռուսաստան), յետ է մնում կէս միաւորով: Տիգրան Քոթանջյանը, Դավիթ Գ. Պետրոսեանը ունեն 4-ական, Մելիքսեթ Խաչիյանը` 3,5 միաւոր: C մրցաշարում, որտեղ խաղացվել է ութ փուլ, աղիւսակը 6,5-ական միաւորով գլխաւորում են Դավիթ Շահինեանը եւ Էդուարդ Խատոեւը (Ռուսաստան): Աշոտ Աւետիսեանը եւ Էդուարդ Բարսամյանը նրանցից յետ են մնում կէսական միաւորով: Այս խմբում մնացել է խաղալու մէկ փուլ:

---