Նյու Եորքի Շուշի պարախումբը համերգներով հանդէս է գալու
Միջին Արեւելքում
14-02-2010 18:21:00 | ԱՄՆ | Մշակոյթ
ՆՅՈՒ ԵՈՐՔ, 12 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Նյու Եորքի
«Շուշի» պարախմբի 45 անդամներն իրենց հարազատների հետ յուլիսին
այցելելու են Ամման, Սիրիա եւ Լիբանան,- հաղորդում է «Մարմարան»:
Խմբի ղեկավարը եւ պարուսույցը Սեդա Փասքափյան-Քանթարճյանն է, որը
նաեւ «Շուշիի» հիմնադիրն է:
Հաղորդագրութիւնից տեղեկանում ենք, որ Միջին Արեւելքում
պարախմբին միանալու են Լոս Անջելէսի յայտնի երգիչներ Հովիկ
Գրիգորեանը, Արմէն Յովհաննիսեանը, Սալբի Մայիլեանը եւ երաժշտական
ղեկավար Անդրանիկ Մուրադեանը:
Առաջին համերգը տեղի է ունենալու Ամմանի Էլ Հիւսէին
կենտրոնում, Էլ-Վաթան ակումբում: Այնուհետեւ` յուլիսի 8-ին
դամասկոսի Օպերային թատրոնում, յուլիսի 10-ին Հալեպի բերդում եւ
յուլիսի 16-ին Բեյրութի «Էմիլ Լահուդ» համալիրում: Վերջին երեք
ելոյթները կազմակերպուելու են Բարեգործական-Հայ Երիտասարդական
ընկերութիւնների տեղական վարչութեան նախաձեռնութեամբ: