Փետրուարի 8-12-ին արտարժոյթի ներբանկային շուկայում գնուել է
շուրջ 91,63 մլն ԱՄՆ դոլար, վաճառուել` շուրջ 76,58 մլն ԱՄՆ դոլար
12-02-2010 20:24:00 | Հայաստան | Տնտեսութիւն
ԵՐԵՎԱՆ, 12 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փետրուարի 8-12-ին
արտարժոյթի ներբանկային շուկայում գնուել է 91 մլն 627 հազար 665
ԱՄՆ դոլար` 379,34 դրամ 1 ԱՄՆ դոլարի դիմաց միջին փոխարժեքով,
վաճառուել` 76 մլն 580 հազար 83 ԱՄՆ դոլար` 380,26 դրամ միջին
փոխարժեքով: Ըստ Հայաստանի Կենտրոնական բանկի Հասարակայնութեան հետ
կապերի ծառայութեան հաղորդագրութեան, նոյն ժամանակահատուածում
միջբանկային շուկայում իրականացուել է 300 հազար ԱՄՆ դոլարի առք եւ
վաճառք` 381,5 դրամ 1 ԱՄՆ դոլարի դիմաց միջին փոխարժեքով:
«ՆԱՍԴԱՔ ՕԷՄԷՔՍ ԱՐՄԷՆԻԱ» ԲԲԸ-ում նշուած ժամանակահատուածում
իրականացուել է 19,8 մլն ԱՄՆ դոլարի առք եւ վաճառք` 381,85 դրամ 1
ԱՄՆ դոլարի դիմաց միջին փոխարժեքով:
Փետրուարի 1-7-ին բանկերի կողմից դրամով տրամադրուած վարկերի
ծաւալը կազմել է 15,8 մլրդ դրամ, իսկ ԱՄՆ դոլարով տրամադրուած
վարկերինը` 19,3մլն ԱՄՆ դոլար: