Հայաստանում քաղցկեղով հիւանդացութեան դէպքերը տարեկան աճում
են 2-4%-ով
04-02-2010 20:02:00 | Հայաստան | Հասարակութիւն
ԵՐԵՎԱՆ, 4 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փետրուարի 4-ը նշւում է
որպէս Քաղցկեղի դէմ պայքարի համաշխարհային օր: Ըստ պաշտօնական
տուեալների, աշխարհում տարեկան 12 մլն մարդու մօտ ախտորոշւում է
քաղցկեղ հիւանդութիւն, իսկ 7 մլն մարդ մահանում է այդ
հիւանդութիւնից:
Ինչպէս լրագրողների հետ նոյն օրուայ հանդիպմանը յայտնեց ՀՀ
Ուռուցքաբանութեան ազգային կենտրոնի փոխտնօրեն, գիտութիւնների
դոկտոր, պրոֆեսոր Գագիկ Բազիկեանը, Հայաստանում տարեկան քաղցկեղով
են հիւանդանում շուրջ 7 000 մարդ, մահանում` մօտ 5 000-ը: Նա նաեւ
նշեց, որ ինչպէս ողջ աշխարհում, այնպէս էլ Հայաստանում քաղցկեղով
հիւանդացութեան դէպքերը տարեկան աճում են 2-4%-ով: Ներկայումս
ընդհանուր առմամբ հաշւառուած են 29 000 այդպիսի հիւանդներ:
Ըստ Գ.Բազիկեանի, քաղցկեղի յաջող բուժման հաւանականութիւնը
հիւանդութեան առաջին փուլում կազմում է 90-95%, 2-րդ փուլում`
50-55%, իսկ 3-4-րդ փուլերում` ընդամէնը 10-15%: Սակայն
Հայաստանում հիւանդների մօտ 40-45%-ը բժշկին ուշ է դիմում: «Ցավոք
Հայաստանում մարդիկ անտեսում են առողջական խնդիրները եւ ժամանակին
չեն դիմում բժշկի»,- ասաց նա: Մինչդեռ ՀՀ Առողջապահութեան
նախարարութեան որոշման համաձայն պետպատուէրի շրջանակներում
հիւանդութեան առաջին փուլում հիւանդը հնարաւորութիւն ունի
ստանալու անվճար բուժօգնութիւն: