Կաշառք ստանալու պահին ձերբակալուել է Երեւանի քաղաքապետարանի աշխատակիցը
01-04-2011 20:58:56 | Հայաստան | Հասարակութիւն
Ապրիլի 1-ին Ազգային անվտանգութեան ծառայութեան մարմինների կողմից ձեռնարկուած օպերատիւ-հետախուզական միջոցառումների արդիւնքում կաշառք ստանալու պահին ձերբակալուել է Երեւանի քաղաքապետարանի աշխատակազմի ճարտարապետութեան ու քաղաքաշինութեան վարչութեան բաժնի պետի ժամանակաւոր պաշտօնակատար Արթուր Ստեփանոսեանը:
Վերջինս Երեւանի բնակչի տանը կից ապօրինի զբաղեցրած տարածքը օրինականացնելու համար պահանջել եւ ստացել է նրանից 1000 ԱՄՆ դոլար գումար:
Ըստ ՀՀ ԱԱԾ Մամուլի կենտրոնի, փաստի առթիւ յարուցուած քրէական գործի նախաքննութիւնը կատարում է ՀՀ ԱԱԾ Քննչական վարչութիւնը:
ԴԱՍ. ՀԱՅԵՐԵՆ 
Հայերեն
Русский
English
French