ԿԱՀԻՐԷ, 8 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Եգիպտոսում խոշոր աւտովթարի հետեւանքով զոհուել է առնուազն 13 եւ մարմնական տարբեր աստիճանի վնասուածքներ ստացել 30-ից աւելի մարդ: Այս մասին հաղորդում են տեղական ԶԼՄ-ները: ՃՏՊ-ն տեղի է ունեցել Կահիրէի մերձակայ արագընթաց խճուղում: Աւտոբուսը Էլ-Մինյա քաղաքի եկեղեցիներից մէկի հաւատացեալներին էքսկուրսիայի էր տանում Ալեքսանդրիա` Միջերկրական ծովի ափ: Ոստիկանութեան նախնական տուեալներով, վարորդը մեծ արագութեան ժամանակ կորցրել է կառավարումը:

---