«ԿՈՄԵՐՍԱՆՏ». ԼԻԲԻԱՆ ՊԱՏՐԱՍՏ Է ԻՐ ՏԱՐԱԾՔՈՒՄ ՏԵՂԱԿԱՅԵԼ ՌԴ
ՌԱԶՄԱԾՈՎԱՅԻՆ ԲԱԶԱ
31-10-2008 16:02:00 | Ռուսաստան | Միջազգային
ՄՈՍԿՈՒԱ, 31 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Լիբիական յեղափոխութեան
առաջնորդ Մուամար Քադդաֆին հոկտեմբերի 31-ին ՌԴ նախագահ Դմիտրի
Մեդւեդեւի հրաւէրով պաշտօնական եռօրյա այցով ժամանում է Ռուսաստան:
Առաջիկայ բանակցութիւնների ընթացքում նա մտադիր է բարձրացնել
լիբիական Բենգազի նաւահանգստում ՌԴ ՌԾՆ հենակայան բացելու հարցը:
Այս մասին գրում է «Կոմերսանտ» թերթը:
Վերջերս Լիբիայում է եղել ՌԴ Հիւսիսային նավատորմի
մարտանաւերի ջոկատը «Պեոտր Վելիկի» ծանր ատոմային հրթիռակիր
յածանաւի գլխաւորութեամբ:
«Լիբիական առաջնորդի մտահղացմամբ, ռուսական ռազմական
ներկայութիւնը կդառնայ ԱՄՆ-ի կողմից Լիբիայի վրայ չհարձակման
երաշխիք, որը չնայած Տրիպոլիի բազմաթիւ հաշտութեան քայլերին, չի
շտապում իր գիրկն առնել գնդապետ Քադդաֆիին»,- գրում է թերթը: