ՊԱԿԻՍՏԱՆՈՒՄ ԵՐԿՐԱՇԱՐԺԻ ԶՈՀԵՐԻ ԹԻՒԸ ՀԱՍԵԼ Է 150 ՄԱՐԴՈՒ
29-10-2008 16:42:00 | | Միջազգային
ԻՍԼԱՄԱԲԱԴ, 29 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Պակիստանի
հարաւ-արեւմուտքում` Բելուջիստան նահանգում, տեղի ունեցած
երկրաշարժի զոհերի թիւը հասել է մօտ 150 մարդու: Մարմնական տարբեր
աստիճանի վնասուածքներ է ստացել մօտ հազար մարդ: Աւելի քան 15 հազար
մարդ մնացել է անօթեւան եւ խուճապահար լքում է աղէտի շրջանը:
Զոհերի թիւը շարունակում է աճել, քանի որ շատ մարդիկ նախկինի
պես գտնւում են փլատակներում` առանց հացի ու ջրի: Դրանից բացի,
փրկարարական աշխատանքների ընթացքը դժուարացել է վատթարացած
եղանակային պայմանների պատճառով. աղէտի գօտում անձրեւ է սկսուել:
Երկյուղ կայ, որ աղէտի շրջանում կը վատթարանայ
սանիտարա-համաճարակաբանական իրավիճակը, քանի որ նկատւում է խմելու
ջրի եւ դեղամիջոցների պակաս: