«ԲՈՍՏՈՆ ԳԼՈԲ». ԱՄՆ-ՌՈՒՍԱՍՏԱՆ ՅԱՐԱԲԵՐՈՒԹԻՒՆՆԵՐԻ ՀԱՄԱՐ
ՆԱԽԸՆՏՐԵԼԻ Է ՕԲԱՄԱՅԻ ՅԱՂԹԱՆԱԿԸ
28-10-2008 18:19:00 | ԱՄՆ | Միջազգային
ՎԱՇԻՆԳՏՈՆ, 28 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-Ռուսաստան
յարաբերութիւնների ապագայի համար նոյեմբերի 4-ի նախագահական
ընտրութիւններում աւելի նախընտրելի կլինէր դեմոկրատ Բարաք Օբամայի
յաղթանակը, քան հանրապետական Ջոն Մակքեյնի: Ինչպէս հաղորդում է
ԻՏԱՌ-ՏԱՍՍ-ը, այս մասին գրում է «Բոստոն գլոբ» թերթի մեկնաբան
Ջեյմս Քերրոլը:
Վերլուծելով Ռուսաստանի հետ յարաբերութիւնների հանդէպ
նախագահի թեկնածուների մօտեցումները` հեղինակը նշում է
հանրապետական սենատորի «հակամոսկովյան ռազմատենչութիւնը», որը
մշտապէս պայքարում է ՆԱՏՕ-ի արագ ընդլայնման եւ «մեծ ութնեակից»
ՌԴ-ի հեռացման համար:
Ինչ վերաբերում է Օբամային, որը Մակքեյնի նման կտրուկ
քննադատեց Մոսկուայի գործողութիւնները Վրաստանում, ապա նրա
յայտարարութիւնները, մեկնաբանի կարծիքով, աչքի են ընկնում «մեծ
հավասարակշռվածությամբ»: «Նա դրականօրէն է արտայայտւում ՆԱՏՕ
ընդունուելու Ուկրաինայի եւ Վրաստանի ձգտման մասին` վերապահում
անելով միաժամանակ, որ նրանց անդամակցութիւնը կախուած կլինի
նրանից, թէ որքանով են այդ երկրները համապատասխանում ՆԱՏՕ-ի
«անդամութեան չափորոշիչներին», ինչին նրանցից ոչ մէկը տեսանելի
ապագայում չի կարողանայ հասնել»,- գրում է Ջ.Քերրոլը: «Մակքեյնը
տարուած է նոր «սառը պատերազմով», Օբաման ջերմացման հոյս ունի»,-
նկատում է մեկնաբանը: