ԱՆԳԼԻԱՅԻ ԹԱԳՈՒՀԻՆ ՖԻՆԱՆՍԱԿԱՆ ՃԳՆԱԺԱՄԻ ՊԱՏՃԱՌՈՎ ԿՈՐՑՐԵԼ Է 70
ՄԻԼԻՈՆ ԴՈԼԱՐ
21-10-2008 15:02:00 | | Միջազգային
ԼՈՆԴՈՆ, 21 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Ներկայիս ֆինանսական
ճգնաժամի հետեւանքով Մեծ Բրիտանիայի Եղիսաբեթ II թագուհին կորցրել
է իր ներդրումային դրամագլխի աւելի քան մէկ երրորդը` 37 մլն ֆունտ
ստեռլինգ (70 մլն դոլար): Այդ գումարը կազմում է իր սեփական փողերի
մէկ երրորդ մասը, որ ներդրուած են բանկերի եւ ընկերութիւնների
բաժնետոմսերում եւ այլ արժեթղթերում: Եղիսաբեթ II-ի ներդրումային
դրամագլխի ընդհանուր գումարը այս տարուայ կէսին կազմում էր 100 մլն
ֆունտ ստեռլինգ: Թագաւորական սեփականութեան միւս մասը` նկարների
եւ անշարժ գոյքի տեսքով հարստութիւնը, առայժմ չի տուժել:
Իրադրութիւնը բարդանում է նրանով, որ Մեծ Բրիտանիայի
կառավարութիւնը անցած շաբաթ փաստորեն ազգայնացրել է անգլիական
Coutts բանկը, որտեղ Եղիսաբեթ թագուհին գործնականում պահում է իր
բոլոր հաշիւները: Այդ բանկը մտնում է ընթացիկ ամսուայ սկզբին
սնանկացման եզրին յայտնուած Royal Bank of Scotland ֆինանսական խմբի
մէջ: Նրա փրկության նպատակով երկրի կառավարութիւնը ձեռք է բերել
այդ բանկային եւ ապահովագրական խմբի վերահսկիչ փաթեթը: