ՆՅՈՒ ԵՈՐՔ, 17 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ՄԱԿ-ն այսօր կընտրի
Անվտանգութեան խորհրդի հինգ նոր ոչ մշտական անդամներ, որոնք ԱԽ-ում
կը փոխարինեն Բելգիային, Ինդոնեզիային, Իտալիային, Պանամային եւ
ՀԱՀ-ին: Ոչ մշտական անդամների ընտրութեանը անդամակցութեան
թեկնածուի կարգավիճակով կմասնակցի նաեւ Թուրքիան:
Կանոնակարգի համաձայն, ՄԱԿ ԱԽ-ի ոչ մշտական անդամների
ընտրութիւնները կատարւում են գաղտնի քուէարկութեամբ: Ընտրուելու
համար անհրաժեշտ է ապահովել Գլխաւոր վեհաժողովի ներկայ գտնուող եւ
քուէարկութեանը մասնակցած պատուիրակների ձայների երկու երրորդը:
Ընտրութեան համար թեկնածուներ առաջադրւում են այսպէս կոչուած
տարածաշրջանային խմբերի կողմից: Ընդ որում երեք տեղ յատկացւում է
Աֆրիկային եւ Ասիային, մէկ տեղ` Արեւելյան Եւրոպային, եւս մէկը`
Լատինական Ամերիկայի կամ Կարիբեան աւազանի երկրներին:
Անվտանգութեան խորհուրդը բաղկացած է 15 անդամներից, այդ թւում հինգ
մշտական` Մեծ Բրիտանիա, Չինաստան, Ռուսաստան, Ֆրանսիա եւ ԱՄՆ,
որոնցից իւրաքանչիւրը օժտուած է վետոյի իրաւունքով: ՄԱԿ-ի ԱԽ-ի
մնացած կազմը ամէն տարի կիսով թարմացվում է: