ՓԱՐԻԶ, 12 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Հրդեհը, որ հինգշաբթի
երեկոյեան բռնկել էր Լա-Մանշի թունելում, ամբողջութեամբ մարուել է,
հաղորդում է «Ֆրանսպրեսը»:
Ուրբաթ առաւօտեան հաղորդուել էր, որ երկու վագոններ դեռեւս
վառւում են:
Ֆրանսիայի տրանսպորտի նախարար Դոմինիկ Բյուսսրոն յայտնել է,
որ ահաբեկութեան վարկածը կարող է բացառուել, թէեւ հրդեհը տեղի է
ունեցել սեպտեմբերի 11-ին: Բյուսսրոն ոչինչ չի կարողացել ասել, թէ
երբ կարող է վերականգնվել երթեւեկութիւնը թունելով:
Լա-Մանշի տակով անցնող Եվրոթունելում, որը Մեծ Բրիտանիան
կապում է Ֆրանսիային, հրդեհ էր բռնկել այն բանից յետոյ, երբ
բեռնատար գնացքներից մէկում բոցավառուել էր բեռնատարը:
Երթեւեկութիւնը Եվրոթունելով լրիւ դադարեցուել էր, թունելի ողջ
անձնակազմը, ինչպէս նաեւ տրանսպորտի վարորդները տարհանվել էին:
Հրդեհի հետեւանքով 14 մարդ տեղափոխուել է հիւանդանոց, նրանցից վեցը
թունավորվել էր ածխաթթու գազով եւ ութը թեթեւ վնասուածքներ ստացել
տարհանման ժամանակ: