ՈՒԳՈ ՉԱՎԵՍԸ ԱՄՆ-ԻՑ ՅԵՏ Է ԿԱՆՉԵԼ ՎԵՆԵՍՈՒԵԼԱՅԻ ԴԵՍՊԱՆԻՆ
12-09-2008 17:15:00 | | Միջազգային
ԿԱՐԱԿԱՍ, 12 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Վենեսուելայի նախագահ
Ուգո Չավեսը Վաշինգտոնից յետ է կանչել իր երկրի դեսպանին: Դրանից
առաջ Չավեսը Վենեսուելայում ԱՄՆ-ի դեսպանից պահանջել է 72 ժամուայ
ընթացքում լքել երկրի տարածքը: Այդ միջոցները վենեսուելացի
առաջնորդը ձեռնարկել է ի պաշտպանութիւն Բոլիւիայի նախագահ Էվո
Մորալեսին: Ուգո Չավեսը ԱՄՆ-ի կառավարութեանը մեղադրել է նրանում,
որ նա դավադրություններ է կազմակերպում Մորալեսի կառավարութիւնը
տապալելու նպատակով:
Սեպտեմբերի 11-ին Բոլիւիայի նախագահը պերսոնա նոն-գրատա է
յայտարարել ԱՄՆ-ի դեսպան Ֆիլիպ Գոլդբերգին` նրան մեղադրելով երկրի
անջատողական շարժումներին սատարելու մէջ: Ի պատասխան բոլիվիական
կառավարութեան այդ գործողութիւններին, ԱՄՆ-ը յայտարարել է երկրից
Բոլիւիայի դեսպանին արտաքսելու իր որոշման մասին` բոլոր
մեղադրանքները Գոլդբերգի հասցէին համարելով «անհիմն»: