ՎԱՏԻԿԱՆԸ ՔՆՆԱԴԱՏԵԼ Է ԵՎՐՈՊԱՅՈՒՄ ՀՀՊ ՏԵՂԱԿԱՅԵԼՈՒ ԱՄՆ-Ի
ՈՐՈՇՈՒՄԸ
25-08-2008 17:02:00 | | Միջազգային
ՎԱՏԻԿԱՆ, 25 ՕԳՈՍՏՈՍԻ, ՆՈՅԵԱՆ ՏԱՊԱՆ: Լեհաստանում եւ
Չեխիայում ՀՀՊ տարրերի տեղակայման մասին ԱՄՆ-ի որոշումը կարող է
սպառնալիքի տակ դնել «միջազգային յարաբերութիւնները, ինչպէս նաեւ
համընդհանուր զինաթափման գործընթացը»: Ինչպէս հաղորդում է
«Ինտերֆաքսը», այս մասին ասւում է «Միջազգային յարաբերութիւնների
սկզբունքը եւ զինաթափումը սպառնալիքի տակ» յօդուվածում, որ
հրապարակուել է Սուրբ աթոռի L'Osservatore Romano պաշտօնաթերթի
առաջին էջում:
Միաժամանակ Հռոմի պապ Բենեդիկտոս XVI-ը մտահոգութիվւն է
արտայայտել Հարաւային Օսեթիայի դէմ վրացական ագրեսիայի պատճառով
Ռուսաստանի եւ Արեւմուտքի յարաբերութիւններում լարուածութեան աճի
առնչութեամբ:
«Մենք ստիպուած ենք վշտով փաստել վստահութեան եւ
համագործակցութեան մթնոլորտի բարդացման վտանգը, որ պէտք է յատուկ
լինեն երկրների յարաբերութիւններին»,- ասել է Բենեդիկտոս XVI-ը
Կաստելգանդոլֆոյի իր ամառային նստավայրում կիրակնօրեայ քարոզի
ժամանակ: