ՎԱՇԻՆԳՏՈՆ, 30 ՅՈՒԼԻՍԻ, ՆՈՅԵԱՆ ՏԱՊԱՆ: ԱՄՆ-ը Իսրայելին
կտրամադրի հակահրթիռային պաշտպանութեան ռադարային համակարգ: Այս
մասին հաղորդում է «Նովոստի» գործակալութիւնը` վկայակոչելով
CNN-ին:
Ռադար տրամադրելու մասին յայտարարութիւնը հնչել է երեքշաբթի
Վաշինգտոնում կայացած Իսրայելի պաշտպանութեան նախարար Էհուդ Բարաքի
հետ ԱՄՆ-ի պետքարտուղար Կոնդոլիզա Ռայսի եւ ԱՄՆ-ի պաշտպանութեան
նախարար Ռոբերտ Գեյթսի բանակցութիւններից յետոյ:
Նշւում է նաեւ, որ X-Band տիրույթի ՀՀՊ ամերիկեան ռադարը
Իսրայելում տեղակայվելուց յետոյ կծառայի երկու երկրներին: