ԿԻԵՎ, 29 ՅՈՒԼԻՍԻ, ՆՈՅԵԱՆ ՏԱՊԱՆ: Ուկրաինայի արեւմտյան
տարածաշրջանում հեղեղի զոհերի թիւը հասել է 26 մարդու, որոնց թւում
հինգը` երեխաներ: Տասնեակ մարդիկ համարւում են անհետ կորած:
Մօտ 15 հազար մարդ է տարհանվել Իվանո-Ֆրանկովսկի, Լվովի,
Անդրկարպատյան, Տերնոպոլի եւ Չեռնովիցի մարզերի հեղեղուած
շրջաններից: Ըստ Ուկրաինայի ԱԻՆ մամլոյ ծառայութեան տուեալների, ջրի
մակարդակի անկում է գրանցուել Դնեստր, Պրուտ, Տիսա գետերում, որոշ
տեղերում 1-2 մետր: Վերջին չորս օրերին ջրի մակարդակը որոշ
տեղերում բարձրացել է մինչեւ 9-10 մետր:
Ջրհեղեղի պատճառած վնասը, տարբեր գնահատականներով, կազմում է
600 միլիոնից մինչեւ 1 միլիարդ դոլար: