ՔԱԲՈՒԼ, 29 ՅՈՒԼԻՍԻ, ՆՈՅԵԱՆ ՏԱՊԱՆ: Աֆղանստանում` հարաւային
Գիլմենդի նահանգի շրջաններից մէկում, գրոհայինների կողմից
զինուորական պարեկախմբի գնդակոծութեան հետեւանքով զոհուել է
բրիտանացի զինծառայող միջազգային հակաահաբեկչական կոալիցիայի
ստորաբաժանումների զորակազմից: Այս մասին հաղորդում է «Նովոստի»
գործակալութիւնը:
Աֆղանստանում ռազմական օպերացիային մասնակցելու
ժամանակամիջոցում Մեծ Բրիտանիան կորցրել է 113 զինծառայող:
Ընդամէնը Աֆղանստանում, առաւելապէս Գիլմենդի նահանգում, գտնւում են
մօտ 7 հազար 800 բրիտանացի զինծառայողներ: