ՀԱՒԱՆՈՒԹԻՒՆ Է ՏՐՈՒԵԼ ՀԱՅԱՍՏԱՆԻ ՏՏ ՈԼՈՐՏԻ ԶԱՐԳԱՑՄԱՆ
ՀԱՅԵՑԱԿԱՐԳԻՆ
28-07-2008 20:10:00 | Հայաստան | Տնտեսութիւն
ԵՐԵՎԱՆ, 28 ՅՈՒԼԻՍԻ, ՆՈՅԵԱՆ ՏԱՊԱՆ: Տեղեկատուական
տեխնոլոգիաների զարգացմանն աջակցող խորհրդի յուլիսի 28-ի նիստում,
որը վարել է խորհրդի նախագահ, վարչապետ Տիգրան Սարգսեանը քննարկուել
են ՏՏ ոլորտի զարգացման հայեցակարգը, նախորդ նիստում մի շարք
հարցերի վերաբերեալ տրուած հանձնարարականների կատարման ընթացքը, այդ
թւում` արբանեակային ալեհաւաքների տեղադրմանը խոչընդոտող
հանգամանքների վերացման առաջարկները, ազատ օպտիկական մալուխների
նպատակային տրամադրման կարգը: Խորհուրդը քննարկել է նաեւ
հայերէն-անգլերէն երկկողմանի թարգմանչական ծրագրային փաթեթին
հնարաւոր աջակցութիւն ցուցաբերելու հարցը, լսել` 2008թ.
սեպտեմբեր-հոկտեմբեր ամիսներին «ՏՏ տեխնոլոգիաների ամիս» խորագրով
միջոցառումների մասին ՀՀ էկոնոմիկայի նախարարի ներկայացրած
տեղեկատուութիւնը եւ «Ձեռնարկութիւնների ինկուբատոր» հիմնադրամի
կողմից ներկայացուած` ՏՏ ոլորտին առնչուող հարկային օրէնսդրութեան
վերաբերեալ որոշ խնդիրներ:
Խորհուրդը հաւանութիւն է տուել ՏՏ ոլորտի զարգացման
հայեցակարգին, որը ներկայացրել է ՀՀ էկոնոմիկայի նախարար Ներսէս
Երիցյանը: Հայեցակարգի իրականացման համակարգումը վերապահուել է ՀՀ
էկոնոմիկայի նախարարութեանը: Նշուվել է, որ հայեցակարգի հիմնական
նպատակն է` ամրագրել ՀՀ Տեղեկատուական տեխնոլոգիաների ոլորտի`
Տեղեկատուական տեխնոլոգիաների արդիւնաբերութեան զարգացման եւ
Տեղեկատուական հասարակութեան կայացման տեսլականն ու նպատակները,
մարտահրավերները, դրանց յաղթահարման ռազմավարական մօտեցումներն ու
իրականացման փուլերը: ՏՏ ոլորտի զարգացման տեսլականն է` կայացած
տեղեկատուական հասարակութիւն` ՏՀՏ կատարելագործված
ենթակառուցվածքներով, համակարգչային բարձր գրագիտութեամբ,
համակարգչային հագեցուածութեան եւ ինտերնետ հասանելիութեան բարձր
աստիճանով, համատարած կիրառուող էլ-ծառայութիւնների համակարգերով,
մեծածաւալ տեղական ՏՏ շուկայի առկայութեամբ եւ առաջադէմ
գիտելիքահէնք արդիւնաբերութեամբ, ինչպէս նաեւ զարգացած եւ
համաշխարհային ճանաչում ունեցող Տեղեկատուական տեխնոլոգիաների
ոլորտ` մեծ հաւելեալ արժէք ստեղծող հետազոտական եւ բարդ
ինժեներական լուծումներ եւ ծառայութիւններ մատուցող
ընկերություններով, միջազգային շուկաներում մրցունակ տեղական ՏՏ
արտադրանքով:
Արբանեակային ալեհաւաքների տեղադրմանը խոչընդոտող
հանգամանքների վերացման առաջարկի վերաբերեալ նշուվել է, որ խնդիրը
քննարկուել է ոլորտի շահառուների հետ, ուսումնասիրուել է գործող
օրենսդրությունն ու միջազգային փորձը, որից յետոյ մշակtyել է
առաջարկութիւնների փաթեթ` ՀՀ-ում արբանեակային կապի ամրակցուած
կայանների ներկրման, ռադիոհաճախականությունների տրամադրման եւ
օգտագործման գործընթացի պարզեցման ուղղութեամբ:
Ազատ օպտիկական մալուխների նպատակային տրամադրման կարգի
վերաբերեալ հարցի կապակցութեամբ ՀՀ տրանսպորտի եւ կապի
նախարարութեան ներկայացուցիչը խորհրդի անդամներին ներկայացրել է
հիւսիս-կենտրոն օպտիկա-մանրաթելային մալուխի մասին
տեղեկատուութիւն: Նշուվել է, որ մալուխի գործարկման վիճակի,
ծանրաբեռնուածութեան, համապատասխան հզորութեամբ եւ արագութեամբ
ինտերնետ կապի մասին տեղեկատուութիւնը մասնաւոր հատուածի մօտ
որոշակի հարցադրումներ եւ թերահավատություն է առաջացնում:
Առաջարկուել է ՀԲ-ի տեխնիկական աջակցութեամբ եւ լաւագոյն
մասնագէտների ներգրաւմամբ, իրականացնել անկախ տեխնիկական եւ
իրաւական աուդիտ, ինչը կօգնի այս հարցում ճիշտ որոշումներ
կայացնելուն եւ ոլորտում մրցունակությունը բարելաւելուն:
«Տեղեկատուական տեխնոլոգիաների ամիս» խորագրով անցկացուող
միջոցառումների մասին խորհրդին զեկուցվել է, որ հոկտեմբերի 3-5-ին
նախատեսւում է անցկացնել «Դիջիթեք 2008» տեղեկատուական,
հեռահաղորդակցման եւ բարձր տեխնոլոգիաների միջազգային ցուցահանդէս,
հոկտեմբերի 4-5-ին` «Արմթեք 2008» Հայաստանի բարձր տեխնոլոգիաների
ոլորտի Գլոբալ համաժողով, հոկտեմբերի 21-24-ին` ՄԱԿ-ի
«Երիտասարդությունը եւ ՏՀՏ-ն» տեղեկատուական հեռահաղորդակցության
տեխնոլոգիայի գլոբալ ֆորում, սեպտեմբեր-հոկտեմբերին` էլեկտրոնային
բովանդակութեան 3-րդ համահայկական մրցոյթ, իսկ սեպտեմբերի 29-ից
հոկտեմբերի 2-ը` «Սինոփսիսի շաբաթ»:
Ծրագրի համաձայն հոկտեմբերի առաջին շաբաթը կանցկացուի ԱՄՆ
Քաղաքացիական հետազօտութիւնների եւ զարգացման հիմնադրամի հետ
համատեղ Ներդրումային կոնֆերանսը, սեպտեմբեր-հոկտեմբերին`
ծրագրաւորման բաց մրցոյթը, հոկտեմբերին` National Instruments
տարածաշրջանային համաժողովը, հոկտեմբերին Մայքրոսոֆթ -
«Երեւակայության գաւաթ» մրցոյթի 2008-2009 մեկնարկը, հոկտեմբերի
առաջին շաբաթը` Սան Մայկրոսիստեմս Մշակումների եւ տեստավորման
լաբորատորիայի եւ Սան Տեխնոլոգիաների 3 ուսումնական
լաբորատորիաների պաշտօնական բացումը, սեպտեմբեր-հոկտեմբերին`
տեսողութեան խանգարումներով երեխաների թիւ 14 դպրոցի սաների միջեւ
համակարգչային հմտութիւնների եւ «Տեսողութեան հաշմանդամներն
ընդդէմ համակարգչի» մրցույթները:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ կառավարութեան
Տեղեկատուութեան եւ հասարակայնութեան հետ կապերի վարչութիւնից,
առաջարկուել է միջոցառումների ցանկը համալրել նաեւ ինֆորմատիկայի
գծով օլիմպիադայի անցկացմամբ, որն ընդունուել է: