ՎԱՇԻՆԳՏՈՆ, 28 ՅՈՒԼԻՍԻ, ՆՈՅԵԱՆ ՏԱՊԱՆ: Ամերիկեան հարաւային
Թեննեսիի նահանգում զինուած տղամարդը եկեղեցում մանկական
ներկայացման ժամանակ սպանել է երկու մարդու եւ վիրաւորել եւս
յոթին:
Ինչպէս հաղորդում են տեղի ԶԼՄ-ները, այն պահին, երբ տղամարդն
սկսել է հրաձգութիւնը որսորդական հրացանից, երեխաների խումբը պիես
էր ներկայացնում Նոկսվիլլ քաղաքի ունիտարիանական եկեղեցում:
Հրաձգութեան պահին եկեղեցում եղել է մօտ 200 մարդ: Բոլոր
տուժածները մեծահասակներ են:
Ոստիկանութիւնը հաղորդում է, որ կրակողը` 58-ամեայ Ջիմ
Ադկինսոնը ձերբակալուած է: Հանցագործութեան դրդապատճառներն առայժմ
յայտնի չեն: