ՔԻՇՆԵՎՈՒՄ ԿԱՅԱՆԱԼՈՒ Է ԱՊՀ ՀԱԿԱՄԵՆԱՇՆՈՐՀԱՅԻՆ ՔԱՂԱՔԱԿԱՆՈՒԹԵԱՆ
ՄԻՋՊԵՏԱԿԱՆ ԽՈՐՀՐԴԻ 27-ՐԴ ՆԻՍՏԸ
03-06-2008 20:20:00 | Հայաստան | Տնտեսութիւն
ԵՐԵՎԱՆ, 3 ՅՈՒՆԻՍԻ, ՆՈՅԵԱՆ ՏԱՊԱՆ: ՀՀ Տնտեսական մրցակցութեան
պաշտպանութեան պետական յանձնաժողովի նախագահ Աշոտ Շահնազարեանը
յունիսի 3-ին մեկնել է Քիշնեւ` մասնակցելու ԱՊՀ հակամենաշնորհային
քաղաքականութեան միջպետական խորհրդի 27-րդ նիստին:
Նիստի ընթացքում կքննարկուեն ԱՊՀ անդամ-երկրներում հացահատիկի
շուկայում մրցակցութեան վիճակի, սպառողների իրաւունքների
պաշտպանութեան նպատակով ԱՊՀ անդամ-երկրների միջեւ կնքուած
համաձայնագրի կատարման, հակամենաշնորհային օրէնսդրութեան
խախտումների առնչութեամբ համատեղ հետազօտութիւնների արդիւնքների,
նախորդ նիստի ընթացքում ընդունուած որոշումների կատարման մասին եւ
այլ հարցեր:
Ըստ յանձնաժողովի հաղորդագրութեան, Ա.Շահնազարեանը կմասնակցի
նաեւ «Մրցակցային միջավայրը գլոբալիզացիայի պայմաններում»
միջազգային համաժողովին: