ԲԵՆԶԱԼԱՑԱԿԱՅԱՆՆԵՐՈՒՄ ԿՏԵՂԱԴՐՈՒԵՆ ՀԱՆՐԱՅԻՆ ԶՈՒԳԱՐԱՆՆԵՐ
22-05-2008 17:45:00 | Հայաստան | Տնտեսութիւն
ԵՐԵՎԱՆ, 22 ՄԱՅԻՍԻ, ՆՈՅԵԱՆ ՏԱՊԱՆ: ՀՀ կառավարութեան որոշման
համաձայն, Հայաստանում գործող բենզալցակայաններում պէտք է
տեղադրուեն հանրային զուգարաններ: Ինչպէս մայիսի 22-ին, ՀՀ
կառավարութեան նիստում յայտնեց Էկոնոմիկայի նախարար Ներսէս
Երիցյանը, իւրաքանչիւր զուգարանի տեղադրման համար
բենզալցակայանների տերերը կծախսեն միջին հաշւով մօտ 10 հազար
դոլար: Դրանով իսկ կլուծուեն բնապահպանական որոշ խնդիրներ: Ընդ
որում, մայրաքաղաքի բենզալցակայաններում հանրային զուգարանները
պէտք է տեղադրուեն մէկ տարուայ ընթացքում, իսկ մարզերում` երեք ամսուայ
ընթացքում:
Կառավարութեան որոշումներով նախատեսւում է փոփոխել են նաեւ
առեւտրի որոշ կանոններ: Ըստ Ն.Երիցյանի, առեւտրի բոլոր վայրերում,
այդ թւում` տոնավաճառներում պէտք է տեղադրուեն հսկիչ կշեռքներ: Բացի
այդ, առեւտրի օբյեկտներում վաճառւող հացը պէտք է ուղեկցվի գնի եւ
քաշի մակնշումով, ինչի նպատակը սպառողներին կողմնորոշուելու
հնարաւորութիւն տալն է: