«ՌՈՍԳՈՍՍՏԱՐԱԽ-ԱՐՄԷՆԻԱ» ԸՆԿԵՐՈՒԹԵԱՆԸ ՏՐԱՄԱԴՐՎԵԼ Է ՈՉ ԿԵԱՆՔԻ
ԱՊԱՀՈՎԱԳՐՈՒԹԵԱՆ ԼԻՑԵՆԶԻԱ
20-05-2008 22:30:00 | Հայաստան | Տնտեսութիւն
ԵՐԵՎԱՆ, 20 ՄԱՅԻՍԻ, ՆՈՅԵԱՆ ՏԱՊԱՆ: ՀՀ Կենտրոնական բանկի
խորհուրդը մայիսի 20-ի նիստում, որը վարում էր ԿԲ նախագահի տեղակալ
Արթուր Ջաւադեանը, որոշել է գրանցել «Ռոսգոսստրախ-Արմէնիա»
ապահովագրական փակ բաժնետիրական ընկերութիւնը եւ տրամադրել
լիցենզիա հետեւեալ դասերով ոչ կեանքի ապահովագրութեան իրականացման
համար` դժբախտ պատահարներից ապահովագրութիւն, փոխադրվող գոյքի
(բեռների) ապահովագրութիւն, ցամաքային տրանսպորտի
ապահովագրութիւն (բացառութեամբ երկաթուղայինի), հրդեհից եւ բնական
աղէտներից ապահովագրութիւն, գոյքին հասցուած այլ վնասներից
ապահովագրութիւն, ցամաքային աւտոտրանսպորտային միջոցների (նաեւ`
բեռնափոխադրող) օգտագործումից բխող պատասխանատւութեան
ապահովագրութիւն, ընդհանուր պատասխանատւութեան ապահովագություն:
Ըստ ՀՀ ԿԲ-ի հաղորդագրութեան, ՀՀ ԿԲ-ի Խորհուրդը հաստատել է
ՀՀ ԿԲ ծախսերի նախահաշվի եւ կապիտալ ներդրումների 2008թ. առաջին
եռամսյակի եւ 2007թ. տարեկան ծրագրի կատարողականը, ինչպէս նաեւ` ՀՀ
կենտրոնական բանկի 2008թ. առաջին եռամսյակի ֆինանսական
հաշուէտւութիւնը:
Խորհրդի որոշմամբ «ԴԷՊԻ ՏՈՒՆ» ՍՊԸ-ին տրամադրվել է «Faster»
եւ «Blizko» վճարահաշվարկային համակարգերում մասնակցութեան
թույլտվություններ, «ԷՄ ՋԻ ՓԵՅ ՍԻՍՏԵՄ» ՓԲԸ-ին տրամադրվել է
դրամական (փողային) փոխանցումներ իրականացնող կազմակերպութեան
լիցենզիա, իսկ «ՄԻՏՐԱ ԱՊԱՀՈՎԱԳՐԱԿԱՆ ԵՎ ՎԵՐԱԱՊԱՀՈՎԱԳՐԱԿԱՆ ԲՐՈՔԵՐ»
ՍՊԸ-ին` ապահովագրական բրոքերային գործունէութեան լիցենզիա: