Մարդու իրաւունքների պաշտպանի գրասենեակը տեղեկացնում է, որ անարդիւնաւէտութեան եւ արագ արձագանքման իրական գործառոյթ իրականացնելու հնարաւորութիւն չունենալու պատճառով, այլեւս չի գործելու ,արագ արձագանքմանէ ծառայութիւնը: Մարդու իրաւունքների պաշտպան Կարէն Անդրէասեանի հրամանով այժմ ձեւաւորուել է աշխատանքային խումբ` արագ արձագանքման նոր ծառայութեան կառուցուածքը, գործառոյթներն ու լիազօրութիւնները յստակեցնելու նպատակով, քանի որ արագ արձագանքման ծառայութիւնը չլինելով օրէնքի պահանջ` չունի օրէնսդրական կարգաւորում: Այդուհանդերձ, այս գաղափարը գնահատելով խիստ կարեւոր ու անհրաժեշտ նաեւ գործունէութիւնը չընդհատելու նպատակով, մինչ այժմ գործող 091 008 817 հեռախօսահամարը դեռեւս կը շարունակի ընդունել զանգեր` աշխատանքային ժամերին հրատապ բողոքներին ընթացք տալու նպատակով:

---