ԳԱԶԱԼՑԱԿԱՅԱՆՆԵՐԸ ՓՈՐՁՈՒՄ ԵՆ ՄՐՑԱԿՑԱՅԻՆ ԳՆԵՐ ԿԻՐԱՌԵԼ
13-05-2008 21:00:00 | Հայաստան | Տնտեսութիւն
ԵՐԵՎԱՆ, 13 ՄԱՅԻՍԻ, ՆՈՅԵԱՆ ՏԱՊԱՆ: Աւտոգազալիցքավորման
շուկայում հնարաւոր հակամրցակցային համաձայնութեան բացայայտման
նպատակով յարուցուած վարոյթի շրջանակներում վերջին 2 օրերին ՀՀ
Տնտեսական մրցակցութեան պաշտպանութեան պետական յանձնաժողովի կողմից
անցկացուած մոնիտորինգն արձանագրել է, որ հանրապետութեան
աւտոգազալիցքավորման կայաններում իրացւող գազի գինն իջել է: Այդ
մասին Յանձնաժողովին գրաւոր յայտնել են նաեւ գազալիցքաւորման
ծառայութիւններ մատուցող տնտեսվարողները: Ըստ յանձնաժողովի մամլոյ
ծառայութեան, այժմ հանրապետութիւնում` ներառեալ մայրաքաղաքում,
սեղմուած (բնական) 1 խորանարդ մետր գազի լիցքավորվորման համար
գործում են տարբեր գներ. 130 դրամ (Հրազդան` մէկ գազալցակայան),
150 դրամ (մեծ մասամբ), գործում են նաեւ 160, 162, 170 դրամ գները: